أعلنت الفنانة اللبنانية نادين نسيب نجيم، والتي نترقبها بمسلسل رمضاني جديد هذا الموسم، عن قرارها باعتزال قريباً، مؤكدةً أنها لن تتواجد بالموسم المقبل بنسبة 90%، لأنّها تريد ان تكرس وقتها بالعناية والاهتمام بطفلها بعيدًا عن الساحة الفنية التي تصيبها بالملل بحسب قولها.
وقالت نادين نجيم خلال برنامج دبي كروز شو من تقديم ميساء مغربي: "كل يوم بقول إني راح أترك المهنة، طول الوقت وأنا بقول هيك، عبالي أقضي أكثر وقت ممكن مع الأولاد أنا بحس بسلام وفرحة كثير كبيرة مع الأولاد، وكثير قربت فكرة إني أترك الفن، ويمكن بنسبة 90٪ ما أكون موجودة على الساحة العام القادم".
وأضافت نادين: "ولادي بها العمر أنا بحاجة لهم وهم بحاجة لي، هم السعادة الحقيقة بعيد عن السلبيات وعن فكرة السخافات اللي طول الوقت عم نسمعها، هايدي هي السعادة الحقيقية".
وكانت نادين قد شاركت منشور بمناسبة عيد ميلادها، وكتبت: "عيدي أحلى بوجود ولادي حدي واخواتي وعيلتي وعيدي صار عيدن ألن وبنتي معربشي علييي وابني عم يقطع الكايك معي بس ما في أحلى من هيك بحبكم كتير يا ماما يا حياتي انتوا".
يذكر أن نادين نجيم أعلنت طلاقها في سبتمبر الماضي، عبر تويتر وكتبت: "القرار ما كان سهل علينا والفراق صعب لو شو ما كانت الأسباب بس العشرة والاحترام والمعزة بضلوا والأهم الثمرة الحلوة ولادنا… ما في كلمة تعبر عن شعوري بهل اللحظة بس هيك صار الله يحمينا وأنا وهادي أصدقاء متحدين للأبد شكرا لكل رسائلكم وبقدر محبتكم النا".
