أحمد حلمي يتحدث للمرة الأولى عن طفولته وعلاقته بوالده، خبر تصدر مواقع التواصل الاجتماعي ومحركات البحث خلال الساعات الماضية.
فقد تحدث الفنان المصري أحمد حلمي للمرة الأولى عن علاقته بوالده وطفولته. من هنا اكتشفي سبب غياب منى زكي في رمضان له علاقة بزوجها وبممثّل مصريّ مشهور
تفاصيل الطفولة
وقال حلمي عن طفولته: “لم تكن كما أحب”، لكنه عاد وأكد على أنه كان مستمتعاً بها. أوضح حلمي قائلًا: “أنا مقصدش أنها كانت طفولة مشردة ولا معذبة لكن كان نفسي أكون بعرف لغات واللغات بيتم تعليمها وأنت صغير وكان نفسي أسافر كتير وأنا صغير، ففي حاجات كان نفسي تكون أفضل لكن أنا بحب طفولتي جدًا”.قد يهمّك الاطّلاع على 4 مرات لم يرحم فيها النقد منى زكي.
وأضاف أحمد حلمي قائلًا: “أنا عشت طفولتي في السعودية واللحظة اللي بنرجع فيها للقاهرة كانت بتبقى لحظات سعيدة أوي وعمري ما أنساها ومشهد سفرنا من القاهرة لبنها كان لا ينسى”.
أما عن أصعب أوقات طفولته، قال حلمي: “افتكر لما ببايا ضربني بالقلم دي كانت لحظة مؤثرة، كمان خالي كان بيربي حمام وأنواع غالية وأنا دخلت وفتحت البلكونة وطيّرت الحمام وراح خالي اشتكى لوالدي وأنا ببايا كان ممكن ييجي على نفسه علشان الناس، وأنا كذبت على والدي وقلت إن أخويا هو اللي طيّر الحمام وطبعاً اتعرف أني كداب وضربني واتصدمت لأنه ضربني وكانت المفارقة إن الحمام طلع بيرجع تاني للبيت وبسبب ده عرفت إن في مواقف الطفل مش بينساها وإنها بتعلّم في نفسيته وإنك ممكن تجرح ابنك بدون وعي”.
وعن علاقته بوالده، قال أحمد حلمي: “دي من الحاجات اللي نفسي أرجع طفل علشان أعيشها مرة تانية لأن أبويا مات وملحقتش أشبع منه وأعيش معه مرحلة الصداقة، كنت لسه متخرج من الجامعة وأنا كنت عايش في القاهرة وأهلي في بنها، ومكنتش مدرك إني لازم أشبع من أهلي”.
وأضاف: “أنا ملحقتش أشبع منه وهو كان مريض ودي من اللحظات الصعبة إني أحس إني عاجز ومش قادر أعمل حاجة لحد بحبه… والدي كان مستمع أكتر منه متكلم وحسيت بفضله عليا وفي صفاتي وتكويني وكان عندنا حرية وده كوّن شخصياتنا كلنا ومكنش في شكل تقليدي للتربية وبقينا مسؤولين وبنحب بعض”.
وأكد أحمد حلمي على أن فترة مرض والده كانت هي الفترة الأصعب في حياته، مضيفًا أنه يفتقد والده كثيراً، وتابع قائلًا: “أنا بحلم بيه كتير وببقى عارف إن معظمها رسائل ومش من عقلي الباطن لأن قبلها مكنتش بفكر فيه، لكن، بحلم بيه فجأة، وفي أحلام كان بيزعقلي فيها، ولما سألت حد بيفهم في الأحلام كان بيطلع التفسير عكس ما كنت أنا متخيل وببقي سعيد لما بشوفه في الحلم”.
واقرئي المزيد: منى زكي تكشف في مقابلة لياسمينة عن مشاركتها في مبادرة Women of Worth من لوريال باريس
